Berambat - Nanga Mela, Kapit.

Berambat: Nangkap ikan enggau cara masang pukat ari sepiak-sepiak lalu ngirit ia gadai-gadai ari ulu sampai ke ili lubuk besai tauka mit. 

Sungai Mela Kapit Sarawak, endur kami berambat. Kami berambat ke ulu sungai Mela laban sungai ba ili tu udah diregau bala kaban ka nyelam pagi amat tadi.

Wong Tembaga, wong tu enda jauh ari pendam. Enti ke ulu, bebatak kasak ka amat. Enti ke ili, beratung tang ko orang anang majung pala wong dulu laban nangi ka tepanggai...

Enti bisi  maya, tau ga ngetan pukat di ili dulu, ngambi ka ikan lari ke kili nya tekena pukat. 

Enti bisi mayuh batang kayu di tebing, serta pukat enda atai tisi din, achuk enggau kayu ngambi ka ikan dia lari ke tengah.

Muru ikan ari ili lubuk, sebedau pukat rambat datai.

Ngulih ka ikan besai enggai ka lepau.

Pecal pala ikan, ngambi ia 'mati' serta enda lepau. Tinggal ikan mit aja di pukat.

Pengudah ia, gerempung pukat ari sepiak kiba ngau kanan.  

Bai pukat nya ke ili karangan, ngulih ka ikan ti agi tinggal di pukat. Lalu muai rau dalam pukat, ngambi ka negi ulih ga berambat enggau manah.

Penyampau dalam sigi lubuk. (Baru round 1). Kena ngambis ka cerita: round udah nya kami enda entu bulih laban bisi orang ngeregau ai, sida ti nyelam. Tang nadai ngawa ga laban kami bisi bulih mimit. Syukur ko orang. 

Nanga Sempaung, lubuk baka tu ulih endur berambat ikan.

Lubuk mit, endur kami mula berambat.

Nota: Anang sekali-kali ngaran sungai semina deka  ngulih ka ikan mayuuh. Laban mayuh anembiak mandi enda entu maya. Anang nubai sebarang laban ia ulih ngapus ka jelu dalam ai, ukai setakat ikan. Anang enda madah ka orang serumah ti ngempu dunya ti ka ditujah kita. Anang berambat enti empai nanya orang ti empu menua, enda manah nujah tanah orang serta ngambi utai dia enti dikebendar ka orang rumahnya. Anang ngebom ikan laban kitai enda nemu, bisi orang nyelam dia kini.

Cerita kebendar: (Bisi orang Nanga B. (ngai nyebut nama menua sida) nujah sungai kami ngena jalai belakang, nadai bepadah lalu ngaran ikan di sungai kami tu. Nya kebuah ikan nyau ambis pupus. Sida belalai ngambi ikan enda bepadah. Udah nya nadai bebagi agi nya. Tapi ulah sida ditemu orang laban petara ga nyerungkai pekara nya. Kami empu nadai kala ngaran ikan. Petara merekat sida neh. 

Wong Mit Sungai Serian, Kapit Sarawak

Jaku Iban: Wong Mit Sungai Serian, Kapit Sarawak
English word: Small Waterfall Sungai Serian, Kapit Sarawak.
Bahasa Malaysia: Air Terjun Kecil Sungai Serian, Kapit Sarawak
Location: Across the Batang Rejang river, opposite my long house, Nanga Mela
Comment: My father said, in time to come (maybe), government build highway here. This nature could be disaster by the development. He said,"Engka enda dek meda wong mit tu agi. Kada enda tolak orang tu ila. Tujak lipan kini, nya ngasuh ia nyau."  So sad, if they destroy the nature just like that. I hope they love this view once they see it and skip it. Ya. Harap begitulah jadinya, harap ada orang yang sanggup mempertahankannya.